Almatyda Ál-Farabı dańǵylynda jol apaty bolyp, kólik júrgizýshisi oqıǵa ornynda qaıtys boldy, dep habarlaıdy Egemen.kz.
Belgili bolǵandaı, Hyundai Sonata avtokóligi Shyǵys aınalma jolymen ońtústik baǵyttan Ál-Farabı dańǵylyna burylǵan. Burylý kezinde júrgizýshi kólik tizginine ıe bola almaı qalǵan. Nátıjesinde avtokólik qarsy kele jatqan qozǵalys jolaǵyna súıretilip, jol jıegindegi aıaldamaǵa, sodan keıin týnnel qabyrǵasyna qatty jyldamdyqpen soǵylǵan.
Oqys oqıǵa ornyna medısına qyzmetkerleri, TJD, Almaty qalalyq Qutqarý qyzmetiniń qyzmetkerleri bardy. Olar máıitti shyǵaryp, júrgizýshiniń qaıtys bolǵanyn habarlady. Alǵan jaraqatynan júrgizýshi jas jigit esin jımastan sol jerde kóz jumdy.
Boljam boıynsha, júrgizýshi jyldamdyqty shekten tys asyryp, qysqy dońǵalaqtardyń qatty tozýynan rýlge ıe bola almaı qalǵan.