Prezıdentke Astana qalasynyń ákimi Jeńis Qasymbek elordanyń áleýmettik-ekonomıkalyq jáne ınfraqurylymdyq damýy týraly esep berdi, dep habarlaıdy Egemen.kz.
Memleket basshysyna sorǵy-súzgi stansasy (SSS-3), gazben jylytý stansalary, jylý elektr ortalyǵy sekildi qalanyń tynys-tirshiligin qamtamasyz etetin nysandardyń qurylysy jóninde baıandaldy. Atalǵan nysandardyń qurylysy 2023 jyly aıaqtalady dep josparlanyp otyr. Sonymen qatar Prezıdentke elordany gazben qamtý isiniń barysy, uzaqqa sozylǵan qurylys jumystarynyń aıaqtalýy, áleýmettik nysandardyń qurylysy, turǵyn úı alaptaryn damytý, shaǵyn jáne orta bıznesti qoldaý, ınvestısııa tartý boıynsha aqparat berildi.Qasym-Jomart Toqaev qala ákimine jylý berý maýsymynyń barysyn baqylaýda ustaýǵa, elordany odan ári órkendetýge qatysty birqatar tapsyrma berdi.