Indýstrııa jáne ınfraqurylymdyq damý mınıstri Qaıyrbek О́skenbaev Adani Group basqarmasynyń tóraǵasy Gaýtam Adanımen kezdesip, ekijaqty áriptestiktiń perspektıvasyn talqylady, dep habarlaıdy Egemen.kz IIDM baspasóz qyzmetine silteme jasap.
Taraptar kólik jáne avıasııa salasy, ınfraqurylymdyq jobalar, sondaı-aq ónerkásip jáne jer qoınaýyn ıgerý baǵytyndaǵy ózara tıimdi baılanystyń keleshegin qarastyrdy. Onyń ishinde elimizdegi áýejaılardy basqarý qyzmeti, ınfraqurylymdyq jobalardy iske asyrý men porttardy damytý, Aqtaý portynda konteınerlik hab qurý, sondaı-aq ónerkásip jáne jer qoınaýyn ıgerý baǵytyna ınvestısııa tartý máseleleri pysyqtaldy.
Bul oraıda vedomstvo basshysy Adani Group-tyń basqarma tóraǵasyna Qazaqstanmen ınvestısııalyq yntymaqtastyqqa qyzyǵýshylyq tanytqany úshin alǵysyn jetkizdi.
«Qazaqstan otandyq áýejaılarǵa sheteldik ınvestısııalardy tartýǵa múddeli. О́ıtkeni bul jerústi ınfraqurylymyn jaqsartýǵa, elimizdiń áýejaılarynda qaýipsizdik jáne jolaýshylarǵa qyzmet kórsetý sapasynyń artýyna áser etedi. Sonymen birge Adani Group kompanııasymen kólik sektoryndaǵy ınfraqurylymdyq jobalardy iske asyrý boıynsha áriptestik ornatýǵa daıynbyz», dedi Q.О́skenbaev.
Ekonomıkalyq jáne ındýstrııalyq aımaqtar salasyndaǵy qarym-qatynas týraly aıta kele ınvestısııalyq jobalardy iske asyrý úshin qazaqstandyq tarap arnaıy ekonomıkalyq jáne ındýstrııalyq aımaq alańdaryn usyndy. Osy rette respýblıka aýmaǵynda 13 arnaıy ekonomıkalyq aımaq jáne 31 ındýstrııalyq aımaq jumys isteıtinin aıta ketken oryndy.
Kezdesý sońynda eki jaq iskerlik baılanysqa rızashylyqtaryn bildirip, Qazaqstan men Úndistan arasyndaǵy qarym-qatynasty odan ári damytýdyń mańyzdylyǵyn atap ótti.
Halyqaralyq baılanysty keńeıtý jónindegi josparlar sheńberinde Adani Group Qazaqstanmen uzaqmerzimdi yntymaqtastyqqa, sondaı-aq EPC+F formaty negizinde ınjenerlik-qurylys qyzmetterin jetkizýshi retinde elektr jelilerin jańǵyrtý jáne keńeıtýge baılanysty birlesken jobalardy iske asyrýǵa yntaly.