Aýyr atletıkadan Kolýmbııada ótip jatqan álem chempıonatynyń kezekti jarys kúni aıaqtaldy. Keshe Qazaqstannyń eki sportshysy óner kórsetti.
102 kılo salmaqta kúsh synasqan Artem Antropov julqyp kóterýde 222 kılony aspanǵa atyp, «kishi» altyn medaldy ıelendi. Alaıda onyń aldynda serpe kóterýde tym nashar nátıje kórsetken edi. Jattyǵýdyń bul túrinde Artıomniń nebári 163 kılolyq ziltemirdi eńserýge shamasy jetti. Qossaıystyń qorytyndysy boıynsha 385 kılolyq kórsetkishpen Antropov altynshy orynda qalyp qoıdy. Bul salmaqta qatarlyq Fares Elbah qarsylas shaq keltirmedi. Irandyq Reza Dedar kúmis alsa, armenııalyq Samvel Gasparıan qolaǵa qol sozdy.
Áıelder arasynda 76 kılo salmaq dárejesinde saıysqa túsken Araı Nurlybekova úzdik ondyqty túıindedi. Onyń kórsetkishi – 223 (100+123) kılo. Bul tartysta mysyrlyq Sara Ahmed top jarsa, amerıkalyq Marta Enn Rodjers pen ońtústikkoreıalyq Kım Sý Hıýn júldegerler qataryna qosyldy.