Prezıdentke Agenttik qyzmetiniń negizgi baǵyttary men básekelestikti damytý mehanızmderin jetildirý jónindegi tapsyrmalarynyń oryndalý barysy týraly esep berildi, dep habarlaıdy Egemen.kz Aqordanyń baspasóz qyzmetine silteme jasap.
Marat Omarov Memleket basshysyna negizgi taýar naryqtaryndaǵy básekelestikke kedergi keltiretin tosqaýyldar men olardy joıýǵa baǵyttalǵan Agenttik qabyldap jatqan sharalary týraly baıandady.
Budan bólek, Qasym-Jomart Toqaevqa monopolııaǵa qarsy júrgizilgen tergeý jumystarynyń aralyq nátıjeleri, sondaı-aq Básekelestikti qorǵaý jáne damytý agenttiginiń qyzmetin jaqsartýǵa, onyń ishinde korporatıvtik basqarý elementterin engizýge, memlekettik qyzmetterdi sıfrlandyrýǵa qatysty qabyldanǵan operasııalyq sharalar týraly málimet berildi. Bıyl 118 is boıynsha tergeý amaly aıaqtaldy, 95 is áli qaralyp jatyr.
Kezdesý sońynda Memleket basshysy ekonomıkanyń negizgi sektorlaryndaǵy básekelestikti damytýǵa, vedomstvonyń júrgizip jatqan tergeý amaldaryna, sondaı-aq shaǵyn jáne orta bıznesti qorǵaý jáne damytý tásilderine qatysty Básekelestikti qorǵaý jáne damytý agenttiginiń tóraǵasyna birqatar naqty tapsyrma berdi.