Qazaqstanda Seısmologııa ınstıtýty men Seısmologııalyq tájirıbelik-ádistemelik ekspedısııany Ulttyq seısmologııalyq baqylaý jáne zertteý ǵylymı ortalyǵyna biriktirý arqyly qaıta qurý josparlanyp otyr. Bul týraly QR Úkimetiniń memlekettik menshiktiń keıbir máseleleri týraly qaýlysynda aıtylǵan, dep habarlaıdy Egemen.kz.
«Zańnamada belgilengen tártippen «Seısmologııa ınstıtýty» JShS men «Seısmologııalyq tájirıbelik-ádistemelik ekspedısııa» JShS biriktirý jolymen jarǵylyq kapıtalynda memlekettiń júz paıyz qatysýymen «Seısmologııalyq baqylaýlar men zertteýler ulttyq ǵylymı ortalyǵy» JShS bolyp qaıta qurylsyn», delingen qujatta.
Qaýlyǵa sáıkes, JShS qyzmetiniń negizgi túrleri - seısmıkalyq qaýipti baǵalaý, kúshti jer silkinisteriniń ǵylymı boljamy, iri eldi mekender men strategııalyq obektilerdegi seısmıkalyq qaýipti baǵalaý, sondaı-aq eldiń seısmıkalyq qaýipti aýmaqtarynda keshendi seısmologııalyq monıtorıng júrgizý.
Qaýly 2022 jyldyń 21 jeltoqsanda kúshine endi.