Densaýlyq saqtaý vıse-mınıstri, Bas memlekettik sanıtarııalyq dáriger A.Esmaǵambetova eldegi epıdahýalǵa qatysty túsinikteme berdi, dep habarlaıdy Egemen.kz.
QR Bas memlekettik sanıtarııalyq dárigeriniń málimetinshe, Qazaqstanda koronavırýstyq ınfeksııa boıynsha epıdemıologııalyq jaǵdaı turaqty. Alaıda, qarasha aıynyń sońynan bastap syrqattanýshylyqtyń ósýi baıqaldy, jeltoqsan aıynda syrqattanǵandardyń ortasha táýliktik sany KVI+ 200-ge deıin jáne KVI- 10-ǵa deıingi jaǵdaıdy qurady.
Bólingen shtamdardyń sońǵy rettiligi respýblıkada 100% jaǵdaıda COVID-19 omıkron nusqasynyń aınalymy anyqtalǵanyn kórsetti.
Epıdemıologııalyq jaǵdaıdy baǵalaý matrısasyna sáıkes respýblıka jáne barlyq óńirler jasyl aımaqta ornalasqan. Respýblıka boıynsha jáne Pavlodar oblysyn qospaǵanda, 19 óńirde ınfeksııanyń taralý kórsetkishi (R) birlikten tómen.
Sonymen qatar A.Esmaǵambetova ýaqtyly vaksınasııalaýdy jáne revaksınasııalaýdy, halyq kóp jınalatyn oryndarda betperdeni paıdalanýdy, adamdar kóp jınalatyn oryndarǵa barýdy shekteýdi, qoldy óńdeý úshin antıseptıkterdi nemese dezınfeksııalyq maılyqtardy paıdalanýdy usyndy.
«Elimizde jáne álemde koronavırýspen syrqattanýshylyqtyń ósýine baılanysty qosymsha shekteý sharalaryn engizý týraly BAQ-tyń kóptegen suraýlaryn eskere otyryp, Qazaqstanda elge kirý kezinde de, álemniń kez kelgen eline, onyń ishinde QHR-ǵa shyǵý kezinde de qandaı da bir shekteý sharalaryn engizý josparlanbaıdy», dep atap ótti QR Bas memlekettik sanıtarııalyq dárigeri.