Astana ákimi Táýelsizdik dańǵyly boıyndaǵy Esil ózeni arqyly ótetin kópirdiń qurylysymen tanysty, dep habarlaıdy Egemen.kz.
Ákimniń aıtýynsha, bul kópir joldardaǵy kólik qozǵalysyn aıtarlyqtaı jeńildetedi. Sondaı-aq Táýelsizdik dańǵyly, jańa vokzal aýdany, Qoshqarbaev dańǵyly, Nájimedenov kóshesi, Áziret Sultan meshiti, Baıtursynov, Qordaı, Aınakól kósheleri arasyndaǵy qosymsha qatynasty qamtamasyz etedi.
Sonymen qatar kólik qozǵalysyn jeńildetý úshin jańa kósheler men kópirler salý qarastyrylǵan.
Jeńis Qasymbek aýdandar men kommýnaldyq qyzmetterdiń aldynda áli de qar tazalaý jumystaryn jandandyrý mindeti turǵanyn atap ótti.
«Aýa raıynyń qubylmalylyǵyn, sonyń ishinde aýa temperatýrasynyń tómendeýin eskere otyryp, kólik kóp júretin aýmaqtardy, áleýmettik nysandarǵa kiretin joldardy, trotýarlar men aıaldamalardy qardan tazalaýǵa basa nazar aýdarý qajet», dep jazdy ákim Instagram paraqshasynda.