Kafrınnen alty shaqyrym jerde «Horaire» tasymaldaýshy kompanııasynyń eki jolaýshy avtobýsy soqtyǵysty. Avtobýstardyń biri Dakardan, ekinshisi Kedýgýden kele jatqan edi, dep habarlaıdy Egemen.kz.
Aldyn ala málimet boıynsha, apattan 40 adam qaza taýyp, ondaǵan jolaýshy jaraqat alǵan.
Jan túrshigerlik apatqa avtobýstardyń biriniń dóńgelegi jarylýy sebep bolǵan. Osynyń saldarynan jolaýshylar kóligi alǵa shyǵyp, ol basqa avtobýspen betpe-bet soqtyǵysty.
Senegal prezıdenti Makkı Sall qaıǵyly oqıǵaǵa baılanysty respýblıkada úsh kúndik ulttyq aza tutý kúnin jarııalady. Sondaı-aq, respýblıka bıligi jaqyn arada «jol qaýipsizdigi men jolaýshylardy qoǵamdyq kólikpen tasymaldaýdy qamtamasyz etý boıynsha sheshýshi sharalardy» qabyldaıtyn vedomstvoaralyq keńesti shaqyrýdy josparlap otyr.