Tımýr Tilegenov Azamattyq avıasııa komıteti tóraǵasynyń orynbasary bolyp taǵaıyndaldy, dep habarlaıdy Egemen.kz vedomstvonyń baspasóz qyzmetine silteme jasap.
Jedel keńeste Indýstrııa jáne ınfraqurylymdyq damý mınıstri Marat Qarabaev Azamattyq avıasııa komıteti basshysynyń jańa orynbasaryn tanystyrdy.
Tımýr Tilegenov 2021 jyly Fransııanyń Ulttyq azamattyq avıasııa mektebin (ENAC) áýe kóligin basqarý mamandyǵy boıynsha, 2014 jyly Qazaqstan Respýblıkasy Prezıdentiniń janyndaǵy Memlekettik basqarý akademııasyn halyqaralyq qatynastar mamandyǵy boıynsha, 2009 jyly Gýmılev atyndaǵy Eýrazııa ulttyq ýnıversıtetin halyqaralyq qatynastar mamandyǵy boıynsha úzdik bitirdi.
Komıtet tóraǵasynyń orynbasary bolyp taǵaıyndalǵanǵa deıin Indýstrııa jáne ınfraqurylymdyq damý mınıstrligi Azamattyq avıasııa komıtetiniń Áýe qatynasy jáne halyqaralyq áýe qozǵalysyn retteý departamentiniń basshysy qyzmetin atqarǵan.
2009 jyldyń qazan aıynan bastap 2019 jyldyń qazan aıyna deıin Azamattyq avıasııa komıtetinde halyqaralyq qatynastar jáne áýe tasymaly bóliminiń bas sarapshysy – aǵa memlekettik avıasııa ınspektory qyzmetterin atqardy.