Amerıkalyq The Ring jýrnaly 2022 jyldy qorytyndylap, «Jyldyń úzdik boks keshine» úmitker jekpe-jekter tizimin jarııalady.
Atalǵan tizimge jyl boıy uıymdastyrylǵan boks keshteriniń ishinen nebári tórt kezdesý ǵana engen. Onyń ekeýi dańqty otandasymyz Gennadıı Golovkınniń qatysýymen ótken jekpe-jek keshter ekenin aıta ketken jón. Iаǵnı birinshisi, 2022 jyldyń sáýir aıynda japonııalyq Rıota Mýratamen ótkizgen aıqasy bolsa, ekinshisi – sol jyldyń qyrkúıek aıynda meksıkalyq Saýl «Kanelo» Alvarespen bolǵan trılogııasy. Jerlesimiz Japonııada judyryqtasýda Mýratany toǵyzynshy raýndta tehnıkalyq nokaýtpen tize búktirgen bolsa, AQSh-taǵy aıqasta Alvaresten upaı sanymen jeńilgen edi.
Sondaı-aq jyl úzdigine úmitker boks keshteriniń qatarynda Taıson Fıýrı – Dıllıan Ýaıt jáne Ketı Teılor – Amanda Serrano jekpe-jekteri bar.