Premer-mınıstr Álıhan Smaıylovtyń tóraǵalyǵymen ótken Ekonomıkalyq saıasat jónindegi keńes otyrysynda Úkimettiń ınvestısııalyq blogynyń jumysyn kúsheıtý jónindegi usynystar qaraldy, dep habarlaıdy Egemen.kz Premer-mınıstrdiń baspasóz qyzmetine silteme jasap.
Ulttyq ekonomıka mınıstri Álibek Qýantyrov 2022 jyldyń qorytyndysy boıynsha negizgi kapıtalǵa salynǵan ınvestısııalar kólemi shamamen 15 trln teńge bolǵanyn málimdedi. Bul – jospardyń 94%-y. Mınıstrdiń aıtýynsha, qazirgi ýaqytta ınvestorlar syrtqy ekonomıkalyq jaǵdaıdy baqylap, ańysyn ańdap otyrǵanyna qaramastan, ınvestısııalyq belsendilik birtindep qalpyna kelńp jatyr. Bul rette respýblıkanyń shıkizattyq emes sektoryna salynǵan tikeleı sheteldik ınvestısııalar kólemi ósip keledi.
Investısııalyq ahýaldy odan ári jaqsartý maqsatynda birqatar keshendi sharany iske asyrý usynylyp otyr. Atap aıtqanda, memlekettik preferensııalar alý úshin organdardyń ótinimderin kelisý merzimin qysqartý jáne memlekettik qoldaý sharalaryna ıe bolý úshin ınvestısııalardyń shekti kólemin azaıtý usynyldy.
Premer-mınıstr bul tásilderdi qoldap, artyqshylyqtar beriletin qyzmetterdiń basym baǵyttarynyń tizbesin muqııat pysyqtap, jańa erejelerdi bekitý kezinde barlyq óńirlik erekshelikterdi eskerý qajettigin atap ótti.
Sonymen qatar otyrysta Investısııalar týraly kelisim bekitý tetigin jetildirý, óńirlerdiń ınvestısııalyq reıtıngin engizý jáne qoldanystaǵy zańdar men kodeksterde kózdelgen memlekettik qoldaý sharalaryn iske asyrýdy jandandyrýǵa múmkindik beretin ınvestorlar úshin arnaıy NQA ázirleý máseleleri talqylandy.
Otyrys qorytyndysy boıynsha Premer-mınıstr respýblıkanyń ınvestısııalyq ahýalyn jaqsartý jóninde qosymsha usynystar ázirleýdi tapsyrdy. Bul rette Úkimet basshysy zańnyń ústemdigin qamtamasyz etý, ıaǵnı quqyq qorǵaý jáne baqylaýshy organdar tarapynan bızneske qysymdy tómendetý jónindegi sharalarǵa basa nazar aýdarý qajettigin atap ótti.
«Bızneske qatysty qylmystyq isterdi qozǵaýǵa túrtki bolatyn negizsiz sebepterdi alyp tastaý úshin Qylmystyq is júrgizý kodeksin qaıta qaraý qajet. Ádilet mınıstrligine tıisti tapsyrma berildi, bul jumysty kúsheıtip, atalǵan máseleni jan-jaqty qarastyrý kerek. Kásipkerler tap bolyp otyrǵan shynaıy problemalarǵa tereńirek úńilip, jyldam ári naqty nátıje beretin tıimdi sharalardy ázirleý qajet», dedi Álıhan Smaıylov.