Dzıýdo tarıhynda esimi altyn ərippen jazylǵan fransýz, Olımpıadanyń 3 dúrkin jeńimpazy, 11 dúrkin álem jəne 5 dúrkin Eýropa chempıony Teddı Rıner Qazaqstan quramasynyń aýyr salmaqtaǵy sportshylarymen jattyǵý jasady. Osylaısha, Almaty qalasyndaǵy dzıýdo Akademııasyndaǵy oqý-jattyǵý jıynynyń alǵashqy kezeńi məresine jetti, dep habarlaıdy Egemen.kz Sportty damytý dıreksııasynyń baspasóz qyzmetine silteme jasap.
Bul jıyn Fransııa dzıýdo federasııasymen birlesip ótkizilip jatyr. Elimizdiń dzıýdo federasııasynyń basshylary, bapkerler men Ulttyq qurama sportshylarynan bólek, jıynda kórýge QR MSM Sport jáne dene shynyqtyrý isteri komıtetiniń tóraǵasy Samat Erǵalıev pen Sportty damytý dıreksııasynyń dırektory Oralbaı Jaqsymbetov arnaıy bardy.
«Bul jıyn bizdiń aýyr salmaqtaǵy dzıýdoshylarymyz úshin jaqsy təjirıbe jınaıtyn múmkindik. Osyndaı jıyndardyń aldaǵy ýaqytta nətıjesin kóretinimizge senimdimiz. Mədenıet jáne sport mınıstrligi munymen toqtap qalmaıdy. Parıj Olımpıadasy qarsańynda dzıýdodan Fransııa quramasynyń barlyq sportshysyn shaqyryp, oqý-jattyǵý jıynyn ótkizsek deımiz», dedi Samat Erǵalıev.
Fransııadan kelgen mártebeli qonaq – Teddı Rıner men onyń jeke bapkeri Frenk Chambılıge shapan men qamshy tartý etti.
«Mədenıet jəne sport mınıstrligi qoldaýynyń arqasynda Teddı Rıner syndy tanymal dzıýdoshyny shaqyrdyq. Maqsat – aýyr salmaqty jandandyryp, bəseke qalyptastyrý. Ulttyq quramada 100 jəne 100 kg joǵary salmaqta jeńis dástúri bolǵanyn jankúıerler biledi. Tokıo Olımpıadasynda osy salmaqtarda bizden eshkim kúrespedi. Sondyqtan osy qadamǵa baryp otyrmyz. Jalpy munda 25 dzıýdoshy bar. Bəriniń Rınermen kúresip, psıhologııalyq turǵydan jaqsy daıyndala alady», dep aıtty Qazaqstan dzıýdo federasııasynyń bas hatshysy Ashat Jitkeev.
Aıta keteıik, 2022 jylǵy el chempıonatynyń nátıjesi boıynsha jasaqtalǵan Qazaqstan quramasynyń dzıýdoshylary 2 topqa bólindi. Almaty qalasynda dzıýdo akademııasynda aýyr salmaqtaǵy tatamı sheberleri jattyǵý ótkizip jatyr. Al Almaty oblysyndaǵy «Jańashar» Olımpıadalyq daıarlaý ortalyǵynda Qazaqstan quramasynyń 100-ge jýyq sportshysy sheberligin shyńdap jatyr.
Aıta keterligi, atalǵan jattyǵý jıyny Qazaqstan erler quramasynyń bas bapkeri Nurbol Súleımenov, áıelder quramasynyń bas bapkeri Erlan Alpysbaev, fransııalyq jattyqtyrýshy-keńesshiler Ksave Mondenks jáne Stefan Traıno jetekshiligimen ótedi. Jalpy jıyn 22 qańtarǵa deıin jalǵasady.