Búgin Almatyda Qazaqstannyń eńbek sińirgen qaıratkeri, mádenıettanýshy-ǵalym Murat Áýezovtiń 80 jyldyq mereıtoıyna arnalǵan «О́tkirdiń júzi atty kezdesý ótti, dep habarlaıdy Egemen.kz Mádenıet jáne sport mınıstrligine silteme jasap.
Is-sharaǵa Mádenıet jáne sport mınıstri Ashat Oralov, zııaly qaýym ókilderi, atap aıtqanda Oljas Súleımenov, Smaǵul Elýbaı, Tóregeldi Sharmanov, Baqytjan Qanapııanov, aqyn-jazýshylar men memleket jáne qoǵam qaıratkerleri qatysty.
Mınıstr Murat Áýezovti mereıtoıymen quttyqtaı otyryp, ult abyzdarynyń ǵumyr joly jas urpaq úshin qashanda úlgi-ónege ekenin atap ótti.
«О́zińiz sııaqty zamana týdyrǵan zańǵarlarymyz kóp emes. Sizderdiń ónegeli ómir joldaryńyz óskeleń jas býynǵa qashanda temirqazyq bolýy qajet. Egemen eldiń eńsesin tiktep, táýelsizdikke tuǵyr boldyńyz. Biz óz kezegimizde, sizder salǵan sol taǵylymdy tanym jolymen jarqyn bolashaqqa aıqyn baǵyt ustanýymyz kerek. Áli de shyǵarmashylyǵyńyzdan qol úzbeı, súbeli de súıekti eńbekterińizben halyq qazynasyn molaıta berińiz», dedi Ashat Oralov quttyqtaý sózinde.
Kezdesý aıasynda kelgen qonaqtar mereıtoı ıesine jyly lebizderin bildirip, syı-syıapattaryn tabystady. Sondaı-aq QR Ulttyq kitaphanasy qorynan Murat Áýezovtiń qyzmeti men shyǵarmashylyǵyna arnalǵan «О́tkirdiń júzi» atty kitap kórmesi uıymdastyryldy.