14 qańtarda eldiń alty óńirinde qolaısyz aýa raıy saqtalady, dep habarlaıdy Egemen.kz «Qazgıdromet» RMK-ǵa silteme jasap.
Mańǵystaý oblysynyń batysynda ekpini 25 m/s jel soǵady. Aqtaýda ońtústik-shyǵystan soqqan jeldiń ekpini 15-20, keıde 23 m/s deıin jetedi.
Aqmola oblysynyń soltústiginde, shyǵysynda qarly boran bolady dep boljanady. Oblystyń soltústiginde, shyǵysynda ekpini 15-20 m/s deıin jetetin jel soǵady. Kókshetaýda ońtústik-batystan jel soǵyp, ekpini 15 m/s bolady.
Jambyl oblysynyń taýly aýdandarynda tuman kútiledi. Oblystyń ońtústik-batysynda, soltústik-shyǵysynda, taýly aýdandarda 15-20 m/s jel soǵady. Túnde oblystyń soltústiginde, taýly, taý bókterindegi aýdandarda -30-34 gradýs qatty aıaz saqtalady. Tarazda keıde tuman bolady. Túnde -30 gradýsqa deıin qatty aıaz saqtalady.
Soltústik Qazaqstan oblysynyń soltústiginde, shyǵysynda qarly boran kútiledi. Oblystyń soltústiginde, shyǵysynda ekpini 15-20 m/s deıin jel soǵady. Petropavlda ońtústik-batystan jel soǵyp, ekpini 15-20 m/s bolady dep boljanady.
Túrkistan oblysynyń ońtústiginde tuman bolady. Taýly aımaqtarda tómengi boran kútiledi. 14 qańtarda túnde oblystyń taýly jáne taý bókterindegi aýdandarynda -25 gradýs qatty aıaz saqtalady.
Pavlodar oblysynyń soltústiginde, batysynda, shyǵysynda qarly boran boljanady. Oblystyń soltústiginde, batysynda, shyǵysynda ekpini 15-20 m/s jel soǵady.