Áleýmettik jelide Almaty-Mańǵystaý baǵytyndaǵy jolaýshylar poıyzynda poezd bastyǵy men 37-jastaǵy jolaýshy arasyndaǵy bolǵan janjaldyń vıdeosy tarady, dep habarlaıdy Egemen.kz.
Ishki ister mınıstrligi atalǵan oqıǵaǵa qatysty pikir bildirdi.
«2022 jylǵy 30 jeltoqsanda Taraz stansııasyndaǵy jelilik polısııa bóliminiń qyzmetkerlerimen Almaty-Mańǵystaý baǵytyndaǵy jolaýshylar poıyzynda poezd bastyǵy men 37-jastaǵy jolaýshy arasynda oryn alǵan quqyqbuzylýshylyqqa qatysty QR Qylmystyq kodeksiniń 389-babynyń 1-bóligi (О́zinshe bılik etý) boıynsha sotqa deıingi tergep-tekserý bastalǵan edi. Qazirgi ýaqytta qylmystyq is aýmaq boıynsha Shymkent stansııasyndaǵy jelilik polısııa bólimimen tergep-tekserilýde.
Buǵan qosa, alǵashqy tekserýde poezdyń 37 jastaǵy jolaýshysy QR Ákimshilik quqyqbuzýshylyq týraly kodeksiniń 204-baby (Qoǵamdyq orynda saýda satý) jáne 434-baby (Usaq buzaqylyq) boıynsha ákimshilik jaýapkershilikke tartyldy. Sondaı-aq poıyz bastyǵy az. R-ǵa qatysty QR ÁQBK-niń 434 baby (Usaq buzaqylyq) boıynsha ákimshilik hattama toltyryldy», dep jazylǵan Polisia.kz taratqan aqparatta.2023 jylǵy 17 qańtarda joǵaryda atalǵan ákimshilik ister Taraz qalasynyń Arnaıy mamandyrylǵan ákimshilik sotyna joldanady.