Qazaqstannyń birinshi raketkasy Elena Rybakına Aýstralııanyń Adelaıda qalasynda uıymdastyrylǵan WTA 500 sanatyndaǵy týrnırdiń juptyq básekesindegi fınalda jeńilip qaldy.
Atalǵan týrnırde reseılik tennısshi Anastasııa Pavlıýchenkovamen jup qurap óner kórsetken jerlesimiz fınalda brazılııalyq Lýıza Stefanı men amerıkalyq Teılor Taýnsendpen bas júldeni sarapqa saldy. Qazaqstan-Reseı tennısshilerinen quralǵan jup qarsylastaryna eki sette – 7:5, 7:6 (7:3) esebimen ese jiberdi.
E.Rybakına men A.Pavlıýchenko bastapqy básekede rýmynııalyq Ana Bogdan men reseılik Angelına Gabýeva jubyn eki sette jeńse (7:6, 6:2), shırek fınalda amerıkalyq Nıkol Melıchar – aýstralııalyq Samanta Stosýrden basym tústi – 6:3, 6:3. Al jartylaı fınalda ýkraınalyq Lıýdmıla Kıchenok pen latvııalyq Elena Ostapenkony jarys jolynan yǵystyrǵan bolatyn – 6:4. 7:5. Elena men Anastasııa týrnırdiń fınalyna deıin jetkeni úshin 305 reıtıngtik upaı oljalap, 24 300 AQSh dollary kóleminde tabys tapty.