Elordanyń kommýnaldyq qyzmetteri qar men muzdy kúreý boıynsha kúsheıtilgen rejımde táýlik boıy jumys istep jatyr. 16 qańtar kúni tańerteń qala kósheleri men joldaryn tazartýǵa 2 myńnan astam jol jumysshysy jumyldyryldy, dep habarlaıdy Egemen.kz Astana ákimdiginiń resmı saıtyna silteme jasap.
Qalada qar kúreý jumysyna 2 myńnan astam jol jumysshy men myńnan astam arnaıy tehnıka jumyldyryldy.
16 qańtarǵa qaraǵan túni elordadan 37 myń tekshe metrden astam qar shyǵaryldy, bul 2 678 aýyr júk kóligine teń.
Qys bastalǵaly beri barlyǵy 2 mln tekshe metrden astam qar shyǵaryldy, ol úshin polıgondarǵa 164 myńnan astam reıs jasaldy.
Sonymen qatar qaladaǵy trotýarlarda turǵyndardyń yńǵaıly júrýi úshin qum-tuz qospasyn sebý jumysy únemi júrgiziledi.