Qazaqstannyń birinshi, álemniń 25-raketkasy Elena Rybakına Aýstralııa ashyq chempıonatyn jeńispen bastady.
Aýstralııadaǵy «Úlken dýlyǵa» týrnıriniń 22-raketkasy bolyp tirkelgen jerlesimiz alǵashqy aınalymda dúnıejúzilik reıtıngte 48-orynda turǵan ıtalııalyq Elızabetta Kochcharettomen sheberlik baıqasty. Buǵan deıin qarsylastar ózara bir ret kezdesip, onda Qazaqstan tennısshisi jeńiske jetken edi. Bul joly da Elena Rybakına basymdyq tanytty – 7:5, 6:3.
Bir saǵat 20 mınýtqa sozylǵan matchta Elena 5 eıs jasap, 12 breık-poınttyń beseýin paıdalana bildi. Endi E.Rybakına úshinshi aınalymǵa shyǵý úshin álemniń 104-raketkasy slovenııalyq Kaııa Iývan nemese reıtıngte 185-satydaǵy fransııalyq Selena Iаnıchıevıchtiń bireýimen talasady.