Kásipqoı boks týraly jazatyn Worldboxingnews.net portaly dál qazirgi ýaqyttaǵy álemdegi eń myqty degen 50 boksshynyń tizimin jarııalady. Úzdikter sanatynda Qazaqstannyń eki bylǵary qolǵap sheberi bar.
Atalǵan reıtıng boksshylardyń 2022 jyly ótkizgen jekpe-jekteriniń nátıjesine qaraı jasalǵan. Byltyr eki kezdesý ótkizip, bireýinde jeńip, bireýinde jeńilgen orta salmaqta WBA Super, IBF jáne IBO tıtýldarynyń ıegeri Gennadıı Golovkın 27-orynǵa jaıǵasqan bolsa, 2022 jyly eki aıqas ótkizip, ekeýinde de qarsylasyn tize búktirgen osy salmaqtaǵy WBO tujyrymy boıynsha álem chempıony Jánibek Álimhanuly 48-orynda tur.
Úzdikter tizimin aýyr salmaqtaǵy álemniń absolıýtti chempıony ýkraınalyq Aleksandr Ýsık bastap tur. Ekinshi orynda japonııalyq Naoıa Inoýe bolsa, úzdik úshtikti meksıkalyq Saýl Alvares túıindedi.