Ranking.kz sarapshylary oblys ákimderiniń ortasha jasy týraly zertteýin usyndy, dep habarlaıdy Egemen.kz.
Elimizdiń eń qart ákimi Danıal Ahmetov Shyǵys Qazaqstan oblysyn basqarady. Ákimniń jasy – 68,6 jas. Ekinshi jáne úshinshi qatarda jańadan qurylǵan Jetisý oblysynyń ákimi Beıbit Isabaev (60,1 jasta) pen Aqtóbe oblysynyń ákimi Eraly Toǵjanov (59,7 jasta) boldy.
Eń jas ákim - Murat Áıtenov (41,2 jasta). Ol respýblıkalyq mańyzy bar Shymkent qalasyn basqarady. Bul qatarda Atyraý oblysynyń ákimi Serik Shápkenov (43,5 jas) pen Pavlodar oblysynyń ákimi Asaıyn Baıhanov (44,1 jas) bar.
Elimizdegi eń jas ákim Murat Áıtenov 38 jasynda qyzmetke kiristi. Áıtenovtiń laýazymyndaǵy qyzmet merzimi – 3 jyl. Atyraý jáne Pavlodar oblystarynyń ákimderi de qyzmetke kirisý kezinde eń jas ákimderdiń qatarynda boldy.
Shyǵys Qazaqstan oblysyn basqaryp otyrǵan Danıal Ahmetov bul qyzmette 8,2 jyl (eń uzaq merzim) qyzmet etip keledi. Ol oblys ákimi qyzmetine 60 jasynda taǵaıyndaldy.
Eń qysqa qyzmet merzimi ázirge elorda ákimi Jeńis Qasymbek pen Qaraǵandy oblysynyń ákimi Ermaǵanbet Bólekpaevta. Eki ákim de jaqynda, 2022 jyldyń 8 jeltoqsanynda qyzmetke kiristi.