Shyǵys Qazaqstan oblysynyń ákimi Danıal Ahmetov JEO-daǵy aqaýlar men apat saldarynan úılerinde tonyp otyrǵan Rıdder turǵyndarynan keshirim surady, dep habarlaıdy Egemen.kz.
ShQO ákimdiginiń aqparaty boıynsha, óńir basshysy Danıal Ahmetov Rıdder qalasyna baryp, JEO-daǵy jaǵdaımen tanysty.
«JEO basshylyǵynyń jaýapsyzdyǵyna baılanysty mundaı oqys oqıǵa oryn aldy. Tórt jyl boıy olar eshteńe istemedi. Memlekettik organdarǵa burys aqparat berildi. Qarasha aıynda apat bolǵan kezde qalpyna keltirý jumystary úshin basqa kásiporyndar men JEO-dan 160 maman tartyldy. Qysqa merzim ishinde eki qazandyqty jóndedik», dedi oblys ákimi.
Onyń aıtýynsha, JEO basshylyǵy bul qazandyqtardy jóndeý týraly oılaǵan da joq. Belgili bolǵandaı, olar kómirdiń aqysyn tóleýden bas tartty. Alaıda Qarajyra ken orny ákimdiktiń kepildigimen kómir jetkizýdi toqtatqan joq. Qazirgi ýaqytta JEO-nyń kómir úshin qaryzy 1 mlrd 350 mln teńgeni quraıdy.
«Men bul oqıǵa saldarynan úılerinde tonyp otyrǵan Rıdder turǵyndarynan keshirim suraǵym keledi. Biz JEO jumysyn barlyq talaptarǵa sáıkes baqylaýǵa múmkindik alatynymyzǵa senimdimin», dedi Danıal Ahmetov.