Premer-mınıstrdiń birinshi orynbasary Roman Sklıar óz esebinde eldegi JKO boıynsha derektermen bólisti, dep habarlaıdy Egemen.kz.
Premer-mınıstrdiń birinshi orynbasary depýtattar joldaǵan saýalǵa jaýap jazdy.
«Resmı statıstıkaǵa sáıkes, 2022 jyldyń qorytyndysy boıynsha jol-kólik oqıǵalary sanynyń – 6%-ǵa (13 930-dan 14 834-ke deıin), olarda qaıtys bolǵan azamattardyń - 7%-ǵa (2 270-ten 2 425-ke deıin) jáne jaralanǵandardyń - 6%-ǵa (18 096-dan 19 135-ke deıin) ósýi baıqalady», dep jazdy Premer-mınıstrdiń birinshi orynbasary.
Sklıardyń aıtýynsha, joldardaǵy apattylyqqa qatysty statıstıkalyq kórsetkishterdiń nasharlaýy pandemııa kezeńinde engizilgen shekteýler, onyń ishinde kólik quraldarynyń qozǵalysy aıasynda oryn alǵan.
2019 jylmen salystyrǵanda JKO sany shamamen 11%-ǵa (16 614-ten 14 834-ke deıin), jaralanǵandar - 14%-ǵa (22 180-den 19 135-ke deıin) qysqardy, qaıtys bolǵandar sany sol deńgeıde qaldy (+0,8%, 2 405-ten 2 425-ke deıin).
Bul rette sońǵy jyldary elimizdiń avtoparki ósip, búgingi kúni 4,7 mln kólik quralyn quraıdy (2019 jyly – 4,1 mln birlik, 2020 jyly – 4,2 mln birlik, 2021 jyly – 4,3 mln birlik).
Barlyq JKO-nyń 75%-ǵa jýyǵy eldi mekenderde oryn alady, ólim-jitimniń jartysyna jýyǵy qala syrtyndaǵy joldarda oryn alady (2 592 JKO, olarda 1 108 adam qaıtys bolyp, 4 201 adam jaralandy).