Sybaılas jemqorlyqqa qarsy qyzmet QR Ulttyq mýzeıiniń burynǵy dırektory A.Muhamedıulyna jáne basqa da adamdarǵa qatysty bıýdjet qarajatyn asa iri mólsherde urlaý faktileri boıynsha tergeý jumystaryn jalǵastyryp jatyr, dep habarlaıdy Egemen.kz ANTIKOR baspasóz qyzmetine silteme jasap.
Júrgizilip jatqan tergeý aıasynda A. Muhamedıulymen jáne basqalarmen sóz baılasyp, «Álem murajaılary boıynsha Altyn adamnyń sherýi» halyqaralyq kórmesiniń jobasyn iske asyrý kezinde 221 mıllıon teńge somasynda senip tapsyrylǵan bıýdjet qarajatyn urlaýǵa qatysqan «QR Ulttyq murajaıy» RMQK dırektorynyń burynǵy orynbasary A.Sh. Nurazhan ustaldy.
«Astana qalasynyń mamandandyrylǵan aýdanaralyq tergeý sotynyń sanksııasymen A.Sh. Nurazhan 2 aı merzimge qamaýǵa alyndy. Tergeý jalǵasýda. Tergeý múddesi úshin ózge aqparat jarııa etýge jatpaıdy», delingen habarlamada.