Shvesııanyń Qazaqstandaǵy elshisi bolyp 1958 jyly 5 qańtarda dúnıege kelgen Eva Ýlrıka Pýlano taǵaıyndaldy, dep habarlaıdy Egemen.kz SIM baspasóz qyzmetine silteme jasap.
Ol Stokgolm, Geteborg jáne Ýppsala ýnıversıtetterin saıasattaný mamandyǵy boıynsha bitirgen. Dıplomatııalyq qyzmetin 1983 jyly Shvesııanyń Vetnamdaǵy elshiliginiń ekinshi hatshysy retinde bastady. Shvesııanyń Argentına, Sırııa, Gvıneıa-Bısaý, Germanııadaǵy elshilikterinde jumys istedi. Shvesııa SIM-inde Saıası departamentinde jáne Eýropalyq ıntegrasııa departamentinde jumys istedi, EO departamenti men Halyqaralyq ilgerileý komıtetin basqarǵan.
Shvesııanyń Meksıka, Indonezııa, Katar jáne Angoladaǵy elshisi boldy. 2023 jylǵy qańtarda Shvesııanyń Qazaqstan Respýblıkasyndaǵy elshisi bolyp taǵaıyndaldy.