О́zbekstanda ákimshilik reforma aıasynda 17 myńnan astam sheneýnik jumystan bosatylady. Búgin О́zbekstan prezıdenti Shavkat Mırzıeev «Respýblıkanyń atqarýshy bılik organdarynyń qyzmetin tıimdi jolǵa qoıý jónindegi bastapqy uıymdastyrý sharalary týraly» jarlyqqa qol qoıdy, dep habarlaıdy Egemen.kz.
Qujatqa sáıkes, mınıstrlikter men vedomstvolarda bıýdjettik jáne bıýdjettik emes qarajat esebinen qarjylandyrylatyn basshylar men óndiristik personal, atap aıtqanda, 17 447 adam qyzmetinen bosatylady. Bul memlekettik qyzmetshilerdiń jalpy sanynyń 24 paıyzyn quraıdy. Sonyń ishinde mınıstrlikter men vedomstvolar basshylarynyń orynbasarlarynyń sany 207-den 144-ke, ıaǵnı 30 paıyzǵa qysqartyldy.
Mınıstrlikter men vedomstvolar qyzmetkerleriniń jalpy sany 56 573 shtattyq birlikpen shektelgen. Qaýlyda mınıstrlikter men vedomstvolardyń bıýdjettik emes qarajaty esebinen basshy personaldyń qosymsha shtat birlikterin engizýge úzildi-kesildi tyıym salynady.
Memlekettik apparatty reformalaý nátıjesinde 703 qyzmettik kólik pen 10 ǵımarat bosatyldy. Aldyn ala boljam boıynsha, qyzmetkerlerdi qysqartý 1,5 trıllıon sýmdy (132 mıllıon dollar), al qyzmettik kólikter sanyn azaıtý taǵy 70 mıllıard sýmdy (6 mıllıon dollar) únemdeıdi.