Qazaqstan Respýblıkasynyń Memlekettik hatshysy Ádilbek Jaqsybekov Brazılııada saparmen boldy, dep habarlady Prezıdenttiń baspasóz qyzmeti.
2014 jylǵy 11 maýsymda Qazaqstan Respýblıkasynyń Memlekettik hatshysy, Qazaqstan Fýtbol federasııasynyń prezıdenti Ádilbek Jaqsybekovtiń Halyqaralyq fýtbol federasııasy (FIFA) kongresiniń 64-shi otyrysyna qatysýǵa baılanysty Brazılııaǵa jumys sapary sheńberinde, onyń «Eńbekshiler partııasynyń» lıderi, Latyn Amerıkasynyń eń bedeldi jáne tájirıbeli saıasatkeri, Brazılııa Federatıvtik Respýblıkasynyń eks-prezıdenti Lýla da Sılvamen kezdesýi ótti.
Jyly jáne dostyq jaǵdaıda ótken kezdesýde Á.Jaqsybekov Lýla da Sılvaǵa Qazaqstan Respýblıkasynyń Prezıdenti N.Á.Nazarbaevtyń atynan oǵan myqty densaýlyq pen qajymas qaırat, aǵymdaǵy jyldyń qazan aıynda ótýi josparlanyp otyrǵan prezıdenttik jáne parlamenttik saılaýda bıliktegi «Eńbekshiler partııasyna» tabystar tiledi, sondaı-aq aldaǵy fýtboldan Álem birinshiliginde Brazılııanyń ulttyq komandasynyń chempıondyq ataqqa ıe bolýyna óz tilektestigin bildirdi.
L.Sılva, óz kezeginde, Qazaqstan Respýblıkasynyń Prezıdenti N.Á.Nazarbaevty óziniń jaqsy dosy, Ortalyq Azııa aımaǵynda ǵana emes, sondaı-aq, jalpy Eýrazııa qurlyǵyndaǵy memleketter ishindegi bedeldi memleket basshysy retinde asa qurmetteıtinin bildirdi. Sonymen qatar, álemniń kóptegen memleketteri, onyń ishinde Brazılııa basshylarynyń qoldaýyna ıe bolǵan Elbasymyzdyń mańyzdy halyqaralyq bastamalary týraly aıtyp ótti. Sondaı-aq, ol sońǵy jyldary ekonomıkasy qarqyndy damý ústindegi Qazaqstanǵa saparmen barýǵa daıyn ekenin málimdep, Elbasyna eń ystyq tilegin, al Qazaqstan halqyna gúldený men órkendeý tileıtinin jetkizýdi surady.