ASTANA. 16 maýsym. Chempıonattyń F tobyndaǵy komandalar da uly dodaǵa qosyldy. Rıo-de-Janeıro qalasyndaǵy «Marakana» stadıonynda Argentına men Bosnııa jáne Gersogovına quramalary kezdesti. Oıyn 2:1 esebimen ataǵy da, tájirıbesi de mol argentınalyqtar paıdasyna sheshildi. Bul týraly egemen.kz habarlady.
Ala jolaqty jeıdeli qurama oıynshylarynyń álem chempıonatynyń jalǵyz debıýtantymen bul kezdesýi olardyń utysqa jetkenderine qaramastan, onshalyqty jaqsy áser qaldyra qoıǵan joq. Bas jattyqtyrýshy Alehandro Sabelıanyń shákirtteri birinshi taımdy óte sylbyr ótkizdi. Ras, olar 3-mınýtta-aq alǵa shyqqan bolatyn. Bul goldy bosnııalyq Sead Kolashınas óz qaqpasyna túsirip aldy.
Ekinshi taımda Argentına quramasy oıyn taktıkasyn ózgertti. Osydan keıin ol jigerdi oınaı bastady. Sonyń yńǵaıynda Lıonell Messı óz eseibne óte ádemi gol jazdy. Ol 62-mınýtta gol saldy. Osydan keıin argentınalyqtar alańnyń bıligin túgel óz qoldaryna aldy. Alaıda, odan tıisti nátıje shyǵara qoımady. Kerisinshe bosnııalyqtar sońǵy bes mınýtta jaýap dop soǵyp ketip, esepti qysqarta tústi. Ony 85-mınýtta Vedad Ibıshevıch jasady.
Damır Qojamqul.
Derekkóz: Chempıonat.Rý.
Foto: Sportbox.ru.