Memleket basshysy Qasym-Jomart Toqaev elordany damytý máseleleri jónindegi keńes otyrysynda EKSPO aýmaǵyn jurt jappaı demalatyn orynǵa aınaldyrý keregin aıtty, dep habarlaıdy Egemen.kz.
«О́zenge jaıaý adam júretin kópirler salý kerek. Mundaı ótkel, ásirese, qazir salynyp jatqan Táýelsizdik dańǵylyndaǵy kópirdiń mańaıyna qajet. Kólik júrýge bolmaıtyn kósheler jóninde talaı ret aıtyldy. Biraq qalada ondaı bir de bir kóshe salynǵan joq», dedi Prezıdent.
Osy oraıda Memleket basshysy álemdik tájirıbede dál osyndaı kósheler kóptep salynatynyn sóz etti.
«Bul máseleni muqııat oılastyrý kerek. Bilikti mamandardy tartyp, ońtaıly sheshim qabyldaýǵa bolady. Mysaly, bizde EKSPO aýmaǵy bar. Bir qaraǵanda, óte ádemi jer. Biraq qańyrap bos jatyr. Shyn máninde, oǵan jan bitirip, jurt jappaı demalatyn orynǵa aınaldyrýǵa bolady. Qoǵamdyq keńistikti damytýdyń biryńǵaı tujyrymdamasyn qabyldaǵan jón. Nysandardy jobalaý jáne salý kezinde osy tujyrymdamaǵa súıený qajettigi zańdy túrde bekitilýge tıis», dedi ol.