Bul jaıly Memleket basshysy elordany damytý máseleleri jónindegi keńes otyrysynda aıtty, dep habarlaıdy Egemen.kz.
«Azamattardyń ál-aýqatyn arttyrýǵa basa mán berý qajet. Basty nazardy qala turǵyndaryn jumyspen qamtýǵa aýdarý mańyzdy. Áleýmettik qamsyzdandyrý aıasyndaǵy ortasha jalaqy 100 myń teńgeden asady. Jumys oryndary bar. Biraq ataýly áleýmettik kómek alatyn eńbekke jaramdy azamattardyń 60 paıyzdan astamynyń turmys jaǵdaıy tómen», dedi Prezıdent.
Sondaı-aq ol jastardy qoldaý sharalary tıimdi nátıje bermeı otyrǵanyna da nazar aýdardy.
«Jastarmen jumys buqaralyq is-sharalar ótkizýden aspaı jatady. Al Astanada jastar arasynda jumyssyzdyq deńgeıi óte joǵary, respýblıka boıynsha ekinshi orynda. Bıyldan bastap 35 jasqa deıingi azamattar jastar sanatyna qosylady. Soǵan sáıkes olardyń sany kóbeıedi. Úkimetke ákimdikpen birge qaladaǵy jastarmen jumysty kúsheıtýdi tapsyramyn», dedi Qasym-Jomart Toqaev.