Elorda kásiporyndarynda jyl saıyn óndiris pen eksport kólemi ósip keledi. «Astana Invest» arnaıy ekonomıkalyq aımaqtardy damytý departamentiniń dırektory Dııar Asqarov onlaın-brıfıngte ónerkásip oryndarynyń damýy týraly aıtyp berdi, dep habarlaıdy Egemen.kz qala ákimdiginiń baspasóz qyzmetine silteme jasap.
О́tken jyly Astanada ónerkásip óndirisiniń kólemi 101,7% naqty kólem ındeksimen 1,9 trln teńgege deıin ósti. О́ńdeý ónerkásibinde 101,2%-ben 1,7 trln teńgege ónim óndirildi. Al elorda ónerkásibiniń jalpy kóleminiń 91% quraıdy. Elektrmen jabdyqtaý, gaz, bý jáne aýa baptaý kásiporyndary - 7,6%, sýmen jabdyqtaý, káriz júıesi, qaldyqtardy jınaý men bólýdi baqylaý - 1,3% quraıdy.
Elordadaǵy óńdeý ónerkásibiniń negizgi salalarynyń qataryna metallýrgııa, mashına jasaý, sýsyndar, rezeńke, plastmassa, ózge de metall emes mıneraldyq ónimder, tamaq ónimderi jatady.
«2025 jylǵa deıin qalanyń jalpy óńirlik ónimin 10%-ǵa deıin ulǵaıtý josparlanyp otyr. Búgingi tańda osy jyldyń 1 jartyjyldyǵynda qalanyń JО́О́-degi óńdeý ónerkásibiniń úlesi 9,4%-y qurady. Elordanyń óńdeý ónerkásibi eksportynyń kólemi 2022 jyldyń qańtar-tamyzynda 1,7 mlrd AQSh dollaryn qurady jáne ótken jyldyń sáıkes kezeńimen salystyrǵanda 2,5 ese ósti», dedi Dııar Asqarov.