Jakartada alǵan kúmis júlde

Sportty damytý dıreksııasynyń bas­pasóz qyzmeti taratqan aqparat boıynsha jarystyń kezekti kúninde Qazaqstannyń erler quramasy 10 metrden pnevmatıkalyq ta­panshadan nysana kózdeýde kúmis júldeger atandy. Jerlesterimiz bas júlde úshin ótken fınaldyq matchta Túrkııa mergenderimen sheberlik baıqasyp, qarsylastaryna 16:2 esebimen jol berdi. Ulttyq qurama sapynda Nıkıta Chırıýkın, Alekseı Lotarev, Valerıı Rahımjan óner kórsetti.

Bul – Álem kýboginde Qazaqstan mergen­deri jeńip alǵan besinshi medal. Qazirgi ýaqyt­ta el qorjynynda 1 altyn, 3 kúmis jáne 1 qola júlde bar. Bul kórsetkishpen otan­das­tarymyz jalpykomandalyq esepte 3-orynda keledi. Jakartadaǵy básekede el na­mysyn 15 sportshymyz qorǵap jatyr.