Erteń tennısten Devıs kýbogi jolyndaǵy irikteý matchtarynyń shymyldyǵy túriledi. Bul synda Qazaqstannyń erler quramasy álemdik dodanyń fınalyna shyǵý úshin Chılıde jergilikti tennısshilermen sheberlik baıqasady. Match 4-5 aqpan kúnderi Chılıdiń kýrortty qalasy La-Serenada ornalasqan «La Trentıno» arenasynyń qumdaýyt korttarynda ótedi.
Chılı tennıs federasııasy irikteý oıyndaryn ótkizý úshin bekerge qumdaýyt kortty tańdap otyrǵan joq. Sebebi Ońtústik Amerıka ókilderi jasandy tósenish pen tabıǵı shóptegi korttarǵa qaraǵanda, topyraq tósenishtegi alańdarda áldeqaıda jaqsy óner kórsetip júrgenin jankúıerler jaqsy biledi. Máselen, olar keıingi bes jylda óz elinde eki oıyn ótkizip, qumdaýyt korttaǵy eki matchta da qarsylastaryn tize búktirgen. 2018 jyly Chılıdiń bas shahary – Santıagodaǵy Estadio Nacional – Court Central Anita Lizana sport keshenindegi matchta Ekvador quramasyn 3:1 esebimen jeńgen bolsa, byltyr Club de Tenis Union tennıs kortynda Slovenııa tennısshilerin 4:0 esebimen qapy qaldyrǵan. Endi, mine jarys qojaıyndary sol sáttilikterdiń jalǵasy bolsyn dep bul jolǵy taǵy bir mańyzdy kezdesýin qumdaýyt kortta ótkizýdi jón sanap otyr.
Chılı tennısiniń tarıhy tym tereńde bolǵanymen, olar búginge deıin bar-joǵy bir-aq ret Devıs kýboginiń fınalynda baq synaǵan. 1976 jyly Santıagodaǵy bas júlde úshin ótken básekede Italııa quramasymen sheberlik baıqasyp, kúmis júldeger atanǵan. Degenmen, álem tennısi tarıhynda Chılıden shyqqan dańqty tennısshilerdiń qatary az emes. Atap aıtqanda, Ońtústik Amerıka ókilderi 2004 jylǵy Afıny Olımpıadasynyń eki dúrkin chempıony Nıkolas Massýmen (jekeleı jáne juptyq synda), Afıny Olımpıadasynyń juptyq syndaǵy jeńimpazy jáne Beıjińdegi dodanyń kúmis júldegeri Fernando Gonsalespen, álemniń eks-birinshi raketkasy Marselo Rıos jáne taǵy basqa myqty tennısshilerimen maqtana aldy.
Búginde Nıkolas Massý jattyqtyratyn Chılı quramasy quramalar arasyndaǵy álemdik reıtıngte 21-orynda tur. Jerlesterimiz olardan 10 saty joǵary ornalasqan – 11-oryn.
Tynyq muhıty jaǵalaýynda ornalasqan qalaǵa Iýrıı Shýkın bastaǵan Qazaqstan quramasy birer kún buryn baryp, Aleksandr Býblık, Tımofeı Skatov, Mıhaıl Kýkýshkın, Andreı Golýbev jáne Aleksandr Nedovesov aldaǵy matchqa qyzý daıyndyq júrgizip jatyr. Bul kezdesý eki el arasyndaǵy alǵashqy match bolmaq.
Qazaqstan tennıs federasııasynyń baspasóz qyzmetine aldaǵy oıyn týraly pikir bildirgen elimizdiń birinshi raketkasy Aleksandr Býblık qumdaýyt korttarda oınap úırengenin, aldaǵy matchqa tolyq daıyn ekenin aıtty.
«О́zderińiz biletindeı, buryndary men úshin topyraq tósenishtegi korttarda oınaý óte yńǵaısyz bolatyn. Qazir mundaı tósenishterge ájeptáýir beıimdelip qaldym. Quramadaǵy jigitter Chılıge jaqsy kóńil kúımen keldi. О́z elimizdiń namysyn qorǵap, jeńiske jetý úshin bar kúshimizdi salamyz, sondyqtan aldaǵy básekege muqııat daıyndalyp jatyrmyz», dedi Qazaqstan quramasynyń kóshbasshysy Aleksandr Býblık.
Chılı tennısshileri myna qurammen óner kórsetedi: Alehandro Tabılo (ATP reıtınginde 97-orynda), Krıstıan Garın (102), Nıkolas Iаrrı (126), Tomas Barrıos Vera (№213), Gonsalo Lama (332).
La-Serena qalasynda ótetin Chılı – Qazaqstan matchy ádettegideı tórt jekeleı kezdesýden jáne bir juptyq básekeden turady. Ár oıyn úsh setke jalǵasady. Jarystyń birinshi kúninde quramalar jekeleı synda eki oıyn, kelesi kúni juptyq synda bir, jekeleı synda taǵy eki match ótkizedi. Bes matchtyń qorytyndysy boıynsha, jeńiske jetken qurama qarasha aıynda Ispanııanyń Malaga qalasynda uıymdastyrylatyn Devıs kýboginiń fınaldyq kezeńinde baq synaý múmkindigine ıe bolady. Qazaqstan jankúıerleri matchty Qazsport telearnasynan tikeleı efırde tamashalaı alady.
Sondaı-aq Chılı men Qazaqstan quramasynan bólek, álem chempıonatynyń fınalyna shyǵý úshin Horvatııa – Aýstrııa, Fransııa – Majarstan, AQSh – О́zbekstan, Germanııa – Shveısarııa, Ulybrıtanııa – Kolýmbııa, Serbııa – Norvegııa, Belgııa – Koreıa, Shvesııa – Bosnııa jáne Gersegovına, Nıderland – Slovakııa, Argentına – Fınlıandııa jáne Chehııa – Portýgalııa tennısshileri irikteý matchtarynda kúsh synasady.
Sóıtip 12 juptyń jeńimpazdary byltyrǵy Devıs kýboginiń jeńimpazy Kanada men ekinshi oryn ıegeri Aýstralııa, sonymen qatar uıymdastyrýshylardan arnaıy shaqyrtý alǵan (wild card) Italııa jáne Ispanııa quramalarynyń qataryn tolyqtyryp, 2023 jylǵy chempıondyqty sarapqa salady.