Memleket basshysy eskertkishtiń janynda jergilikti zııaly qaýym ókilderimen júzdesip, belgili qalamgerdiń ult rýhanııatyn damytýǵa zor úles qosqanyn aıtty, dep habarlaıdy Egemen.kz Aqordaǵa silteme jasap.
«Sheraǵań – halqymyzdyń birtýar azamaty, zańǵar jazýshy desek artyq aıtqandyq emes. Jas kezimizden bastap biz bárimiz onyń «Qyzyl jebe» romanyn, basqa da shyǵarmalaryn oqydyq. Ásirese, «Bir kem dúnıe» týyndysy áli kúnge deıin ózekti. Halqymyzǵa, ásirese, jastarǵa rýhanı azyq bolǵan dúnıe dep aıtýǵa bolady. Sondyqtan jazýshynyń eskertkishine arnaıy kelip, taǵzym etip otyrmyz», dedi Memleket basshysy.