Kúpirlik mazmunda taralǵan aqparattan keıin Pákistanda Ýıkıpedııanyń jumysy toqtatyldy, dep habarlaıdy, Egemen.kz.
Pákistannyń telekommýnıkasııa basqarmasynyń ókili Malahat Obeıd materıaldardy alyp tastaýǵa 48 saǵat ýaqyt berilgenin aıtty. Biraq ol suranys oryndalmaǵan.
Onyń aıtýynsha, Pákistan bıligi ýıkıpedııa qyzmetkerlerimen áli de kelissózder júrgizip jatyr jáne olardyń talaptary oryndalǵannan keıin ǵana saıt qoljetimdi bolady.
2010 jyly Pákistanda Youtube jelisi de buǵattalǵan bolatyn. 2016 jyldyń qańtarynda pákistandyqtarǵa bul qyzmetti paıdalanýǵa qaıtadan ruqsat etildi. Biraq keıbir aqparatqa shekteýler qoıylǵan.
Aıtolǵan JÚNISHAN,
L.N. Gýmılev atyndaǵy EUÝ stýdenti