Túrkııa men Sırııadaǵy 7,8 balldyq jer silkinisi 4 myńnan astam adamnyń ómirin qıdy. Qalalar qırap qaldy. Aýyr shyǵynǵa ushyratqan apat kezinde álem elderi qutqarý jumystaryna qol ushyn sozyp, jumyla kómektesip jatyr, dep habarlaıdy Egemen.kz.
Italııa, AQSh, Izraıl jáne Taıvan elderi Túrkııaǵa mamandarylǵan qutqarý toptaryn jiberdi. Al Irak Sırııaǵa kómek kórsetip jatyr. Qaýipsizdik kúshteri «Qyzyl Jarty Aı» qoǵamdyq qorynyń gýmanıtarlyq kómegin jetkizip bergen.
Taıvan qutqarýshylary Túrkııaǵa izdeý sharalaryna kómek kórsetýdi qolǵa alsa, Chehııa órt sóndirýshilerdi jumyldyrǵan. Arnaıy mamandarylǵan USAR qutqarý toby úıindiniń astynda qalyp qoıǵan adamdardy izdep tabýǵa járdemdesip jatyr.
Gollandııalyq izdeý-qutqarý toby da Túrkııaǵa kelip jetti. Al Italııa Sırııa-Túrkııa shekarasyndaǵy qutqarý sharalaryna at salysýǵa arnaıy órt sóndirýshiler men medısına qyzmetkerlerin jumyldyrǵan.
Rım órt sóndirýshilermen qosa medısınalyq jabdyqtarmen de kómek kórsetip otyr. Al dúısenbi kúni Gresııa premer-mınıstri kórshiles Túrkııa eline kómek kórsetý úshin taǵy da barlyq qoljetimdi kúshterdi jiberýge ýáde berdi. Olar jer silkinisi bolǵan kúni ushaq arqyly qutqarýshylar toby men arnaıy kerek-jaraqtardy jiberip úlgergen edi.
Sırııa Izraıldi moıyndamasa da, Izraıl premer mınıstri Sırııaǵa kómek jiberýdi maquldady. Degenmen Damask kómek qabyldaýdan bas tartqan.
AQSh prezıdenti Djo Baıden de Túrkııaǵa kómek kórsetýdi tapsyrdy. Olar 80-ge jýyq adamnan turatyn eki qutqarý tobyn jibergenin málimdedi.
Máskeýde Túrkııa elshiliginiń aldyna gúlshoqtary qoıyldy. Reseı eki elge de kómek usyndy.
Aıta ketsek, Qazaqstan Prezıdenti Qasym-Jomart Kemeluly da Túrik eline kóńil aıtyp, arnaıy kómek jiberdi.
Aıtolǵan JÚNISHAN,
L.N.Gýmılev atyndaǵy EUÝ stýdenti