Astanada Ulttyq ekonomıka mınıstri Álibek Qýantyrov Halyqaralyq valıýta qorynyń bıýdjettik máseleler jónindegi departamentiniń aǵa ekonomısi – mıssııa basshysy Sahe De Klerkpen kezdesý ótkizgenin málimdedi, dep habarlaıdy Egemen.kz vedomstvonyń baspasóz qyzmetine silteme jasap.
Álibek Qýantyrov HVQ sarapshylarynyń eki aptalyq mıssııa barysynda eldiń bıýdjet-salyq salasynyń ashyqtyǵyn baǵalaý úshin aqparat jınaý jáne taldaý boıynsha aýqymdy jumys júrgizgenin atap ótti.
Halyqaralyq sarapshylardyń aldyn ala baǵalaýyna sáıkes, Qazaqstan bıýdjetti josparlaý men oryndaýdy júzege asyrý úshin jetkilikti normatıvtik negizben qamtamasyz etilgen. Atap aıtqanda, Bıýdjet kodeksi naqty retteýshi qujat bolyp sanalady.
«Makroekonomıkalyq boljamdar jetkilikti túrde negizdelgen jáne ýaqtyly jasalǵan», dedi mınıstr.
Sondaı-aq otyrys barysynda taraptar qarjylyq esepterde keıbir derekter tolyq qamtylmaǵanyna nazar aýdardy. Budan bólek, HVQ bıýdjet erejelerin jaqsartýdy usyndy.
Kezdesý sońynda Sahe De Klerk QR UEM-ge, sondaı-aq basqa da memlekettik organdar men uıymdarǵa alǵysyn bildirdi.
Aıta ketsek, mıssııa QR Ulttyq ekonomıka mınıstrliginiń bastamasymen Halyqaralyq valıýta qorynyń tehnıkalyq kómegi sheńberinde júrgizildi.
Aıtolǵan JÚNISHAN,
L.N.Gýmılev atyndaǵy EUÝ stýdenti