Túrkistan oblysynda oryn alǵan jol kólik oqıǵasyna qatysty tergeý júrgizilip jatyr, dep habarlaıdy Egemen.kz IIM baspasóz qyzmetine silteme jasap.
Búgin Shymkent-Samara tas jolynyń 56 shaqyrymynda Mercedes Benz avtokóligin tizgindegen júrgizýshi О́zbekstan azamatynyń Kia Carnival kóligine soqtyǵysqan. Jol apaty saldarynan Mercedes Benz kóliginiń bir jolaýshysy oqıǵa ornynda kóz jumyp, júrgizýshisi aýrýhanaǵa túsken.
«Qazirgi ýaqytta oqıǵa ornynda anyqtaýshylar men krımınalıster jumys istep jatyr. Atalǵan jaıt boıynsha QR QK-niń 345-baby 3-bóligimen sotqa deıingi tergeý amaldary bastaldy. Oqıǵanyń tolyq mán-jaıy tergeý barysynda anyqtalady», dep jazylǵan habarlamada.