Qazaqstanda bala quqyǵy buzylǵan jaǵdaıda BUU-nyń Bala quqyqtary jónindegi komıtetine tikeleı shaǵym berýge bolady. Qazaqstannyń BUU janyndaǵy turaqty ókili Aqan Rahmetýllın osyndaı múmkindik beretin fakýltatıvtik hattamaǵa qol qoıdy. Bul týraly Syrtqy ister mınıstrliginiń baspasóz qyzmeti habarlady, dep jazdy Egemen.kz.
«Úshinshi fakýltatıvtik hattamaǵa sáıkes, balalar nemese olardyń ókilderi BUU-nyń Bala quqyqtary jónindegi komıtetine óz quqyqtarynyń buzylýy týraly tikeleı shaǵym bere alady. Komıtet óz kezeginde árbir isti qarap, qatysýshy memleketterge naqty usynystar baıandalǵan sheshimder qabyldaıdy», dep jazylǵan habarlamada.
Qujat Qazaqstan Parlamenti ratıfıkasııalaǵannan keıin kúshine enedi.