Aqmola polısııasy Qyrǵyzstan azamatynyń jazataıym oqıǵadan kóz jumýyn tergep jatyr. Qaıǵyly oqıǵa qarsy jolaqqa shyǵyp ketken júk kóligi men jeńil kóliktiń soqtyǵysýy saldarynan bolǵan, dep habarlaıdy Egemen.kz.
8 aqpanda Jaqsy aýdanynda «Ekaterınbýrg-Almaty» tasjolynyń 922 shaqyrymynda «Man» júk kóligi men «Daewoo Matiz» kólikteri soqtyǵysqan.
«Aldyn ala málimet boıynsha, Daewoo Matiz kóliginiń júrgizýshisi, Qyrǵyzstannyń 64 jastaǵy azamaty basyp ozý kezinde qarsy jolaqqa shyǵyp ketip, Qaraǵandynyń 55 jastaǵy turǵyny basqarǵan aýyr júk kóligimen soqtyǵysqan», dedi polısııa.
Jeńil kóliktiń jolaýshysy 62 jastaǵy Qyrǵyzstan azamatshasy oqıǵa ornynda kóz jumdy.
Daewoo Matiz kóliginiń júrgizýshisi Jaqsy aýdandyq aýrýhanasyna jetkizildi. Onyń kámeletke tolmaǵan jolaýshylary 2005 jáne 2019 jylǵy balalar zardap shekken joq.
QR Qylmystyq kodeksiniń 345-baby 3-bóligimen jol júrý erejesin buzý, abaısyzda adam ólimine ákep soǵý boıynsha sotqa deıingi tergeý amaldary júrgizilip jatyr.
Qazirgi ýaqytta kólikter turaqqa qoıyldy.