Astana qalasynda ótip jatqan jeńil atletıkadan jabyq keshendegi H Azııa chempıonatynda Qazaqstan qorjynyna 4 júlde tústi, dep habarlaıdy Egemen.kz Sportty damytý dıreksııasynyń baspasóz qyzmetine silteme jasap.
Erler arasynda 400 metrge júgirýde qazaqstandyq Mıhaıl Lıtvın kúmis júldeger atandy. Ol márege sanaýly metrler qalǵanda katarlyq Ammar Ismaıl Iаhııa Ibrahımnen qalyp qoıdy. Qola medal qytaılyq atletke buıyrdy.
Bul qashyqtyqtaǵy taǵy bir otandasymyz Vıacheslav Zems márege jeter tusta qulap qaldy.
Qazir Qazaqstan qorjynynda 1 altyn, 2 kúmis pen 1 qola medal bar.