Úkimet 2023 jylǵy 9 aqpandaǵy Prezıdenttiń Qazaqstan Respýblıkasy Qarýly Kúshterine kezekti merzimdi áskerı qyzmetke shaqyrý týraly jarlyǵyn iske asyrý týraly qaýly qabyldady, dep habarlaıdy Egemen.kz.
Atap aıtqanda, óńirlerdegi ákimdikterge shaqyrý komıssııalarynyń jumysyn uıymdastyrý jáne 2023 jyldyń naýryz-maýsym jáne qyrkúıek-jeltoqsan aılarynda 18 ben 27 jas aralyǵyndaǵy 37 056 er azamatty shaqyrýdy qamtamasyz etý tapsyryldy.
Sonymen qatar ákimdikter shaqyrý pýnktterin medısınalyq qamtamasyz etýdi uıymdastyryp, merzimdi áskerı qyzmetke otstavkadaǵy áskerı qyzmetshiler men áskerı qyzmetke shaqyrylǵan azamattardy tasymaldaýdy qamtamasyz etýi tıis.
Áskerı mindettiler men otstavkadaǵy áskerı qyzmetshilerdi tasymaldaýǵa arnalǵan shyǵystardy óteý tikeleı tasymaldaýdy júzege asyratyn uıymdarǵa olar usynǵan shottar boıynsha respýblıkalyq bıýdjette osy maqsattarǵa kózdelgen qarajat sheginde júrgiziledi.
О́z kezeginde Qazaqstan Respýblıkasy Ishki ister mınıstrligine áskerge shaqyrylýshylardy jınaý jáne jiberý oryndarynda ishki ister organdary qyzmetkerleriniń kúsheıtilgen kezekshiligin uıymdastyrý qajet.
Qaýly qol qoıylǵan kúninen bastap kúshine enedi.