Eńbek jáne halyqty áleýmettik qorǵaý mınıstrligi 23-35 jas aralyǵyndaǵy 12 myńnan astam qazaqstandyq jumyssyz jastarǵa jumysqa ornalasý múmkindigi týraly SMS-habarlamalar joldady, dep habarlaıdy Egemen.kz.
Vedomstvo málimetinshe, azamattarǵa bir mezgilde jumys izdeý, tegin oqýdan ótý jáne jumyspen qamtý salasyndaǵy memlekettik qoldaýdyń basqa da sharalary týraly SMS-habarlamalar jiberilgen.
«Jalpy elimizdiń árbir azamaty «Enbek.kz» portaly, halyqty jumyspen qamtý ortalyǵy nemese 1414 biryńǵaı baılanys ortalyǵy arqyly jumysqa ornalasý, jumysynan aıyrylýyna baılanysty áleýmettik tólem alý jáne basqa da memlekettik qoldaý sharalary týraly keńes ala alady», dedi QR EHÁQM Halyqty jumyspen qamtý departamentiniń dırektory Asqar Nııazov.
Eske sala keteıik, 2023 jyldyń 1 qańtarynan bastap Qazaqstanda Otbasynyń sıfrlyq kartasy engizildi. Ol memlekettik organdardyń aqparattyq júıeleriniń derekteri negizinde memlekettik qoldaýǵa quqyly azamattardy anyqtap, olarǵa proaktıvti formatta kómek kórsetýge múmkindik beredi.