«Oral» halyqaralyq áýejaıy – memleket menshiginde

Aıdar Meneevtiń aıtýynsha, dál qazirgi ýaqytta strategııalyq mańyzy bar nysandar, ıaǵnı halyqaralyq áýejaıdyń ushý-qoný jolaǵy – Indýstrııa jáne ınfraqurylymdyq damý mı­nıstrligi Azamattyq avıasııa komıtetiniń teńgeriminde. Al byltyr ǵana «Qarashyǵanaq Pe­trolıým Opereıtıng b.v». kompanııasynan óńirdi damytýǵa bólinetin áleýmettik aýdarymdar esebinen alynǵan 6,6 mlrd teńgege qaıta jańǵyrtqan áýejaı termınaly – «Aqjaiyq» ÁKK» AQ teńgeriminde. Iаǵnı alańdaýǵa negiz joq.

Jalpy, «Oral qalasynyń halyqaralyq áýejaıynyń termınalyn rekonstrýksııalaý jáne jańǵyrtý» ınvestısııalyq jobasy aıasynda «Aqjaiyq» ÁKK» AQ men «Oral» halyqaralyq áýejaıy» JShS arasynda bir­lesken qyzmet týraly shart (konsorsıaldy kelisim) 2018 jyldyń naýryzynda jasalǵan.

Sóıtip, «Oral» halyqaralyq áýejaıy» JShS jolaýshylar termınalyn (áýejaı ǵımaratyn) ázirlengen jobalaý-smetalaý qu­jattamasymen «Aqjaiyq» ÁKK» AQ menshigine berdi.

«Aqjaiyq» áleý­mettik-ká­sip­kerlik korporasııasy óz ke­zeginde Qarashyǵanaq alıan­­synyń qarjysyna termınaldy jańǵyrtyp, 2022 jylǵy 6 sáýirde ǵımaratty «Oral» ha­lyqaralyq áýejaıy» JShS-nyń senimdi basqarýyna qaıta bergen.

– Qolda bar aqparatqa sáı­kes keıingi jyldary «Oral» halyqaralyq áýejaıy» JShS áýe­jaılardy basqarýǵa maman­dandyrylǵan seriktesterdi bel­sendi túrde izdeýmen bolǵan. Sóıtip, áýejaılardy damytýda tá­jirıbesi bar «Oral Aeroport Holdıng» JShS basqarýshy kompanııasy ınvestor retinde tartylǵan. Kompanııanyń negizgi qatysý úlesi Qazaqstan tarapyna tıesili, – deıdi A.Meneev.

Dálirek aıtsaq, «Oral Ae­roport Holdıng» JShS-nyń úsh qojaıyny bar, onyń ekeýi – qazaqstandyq, bireýi – reseılik ınvestor. Reseılik qojaıyn – 49%, al qazaqstandyqtar 51% úleske ıe.

Joǵarydaǵy spıkerler «Oral Aeroport Holdıng» JShS Oral halyqaralyq áýejaıynyń jumysyn ǵana senimgerlikpen basqarýǵa alǵanyn, naqty ushý jolaǵy men áýejaı ǵımaraty memleket menshiginde qalǵanyn qaıta-qaıta aıtýmen boldy. Al jańa ınvestorlar kelisimshart negizinde aldaǵy úsh jyl ishinde termınaldy jańǵyrtýǵa ketken 6,6 mlrd teńgeni birtindep memleketke qaıtarýǵa mindetti bolady.

Nurjan О́tepbaev jańa ınvestorlardyń aldyna M.Má­­metova atyndaǵy «Oral» ha­lyq­­­aralyq áýejaıyn jáne onyń ınfraqurylymyn odan ári damytý úshin «Iаntar» ra­dıo­aktıvti materıaldardy anyqtaýdyń stasıonarly júıe­sin jáne lentaly transpor­ter ornatyp, konteınerler men palletterdi tasymaldaýǵa ar­nalǵan arbalarmen qamtý, ha­lyqaralyq áýejaıda jolaý­shy­lardy ushaq­qa/ushaqtan jetkizýge arnal­ǵan avtobýs­tar júrgizip, jolaýshylardy ta­symaldaýǵa arnalǵan ambýlıft ornatý, BQO turǵyndarynyń iskerlik jáne týrıstik baılanystaryn keńeıtý, bılet qunyn arzandatý úshin avıakompanııalar, áýe qatynastary men baǵyttar sanyn ulǵaıtý jóninde talaptar qoıylǵanyn aıtty. Sondaı-aq termınaldyń júk avıakargosyn salý jáne uıymdastyrý múm­kindigi úshin áýejaıdyń ın­fra­qurylymyn jańǵyrtý da kerek.

– Osy aıtylǵan mindetterdi sheshý nátıjesinde jańa ju­mys oryndaryn qurý, taýarlar, jumystar men qyzmetter ja­saqtaý, álemdik belgili brendter dúkenderiniń aýtleti, týrıstik baǵdarlamalar, qonaqúıler, demalys aımaqtaryn damytý jolymen pármendi ekonomıkalyq tıimdilik bolady dep kútemiz, – dedi «Aqjaiyq» ÁKK» AQ basqarma tóraǵasy.

Degenmen jýrnalısterdiń kóptegen suraǵy jaýapsyz qaldy. Mysaly, termınal­dy jań­ǵyrtýǵa jumsalǵan qar­jynyń memleketke qaıtarylý tártibi, naqty kestesi belgisiz. Investorlardyń Oral áýejaıyn damytý boıynsha naqty jospary jergilikti bılikke áli tanystyrylmaǵan. Áýejaıdy osy kúnge deıin basqaryp kelgen «Berkýt aeroport» JShS men jańa basqarýshy «Oral Aeroport Holdıng» JShS arasyndaǵy kelisimshart mátini halyqqa ja­rııalanbaǵan. «Ol jerde kom­mersııalyq qupııa derekter bar», dedi N.О́tepbaev. Sondaı-aq Qazaq­stannyń strategııalyq nysan­yn senimgerlikpen basqarýǵa re­seı­­lik ınvestorlardyń tartylýy halyqaralyq áýejaıdyń ju­mysyna álemdik sanksııa qaý­pin týdyrmaı ma degen saýalymyz da jaýapsyz qaldy.

Batys Qazaqstan oblysy