AQSh pen Ońtústik Koreıa áskerı jattyǵýlar ótkizdi. Oǵan Koreıalyq áskerı joıǵysh ushaqtar jáne amerıkalyq bombylaýshylar qatysty, dep habarlaıdy Egemen.kz Habar 24 arnasyna silteme jasap
Eki jaqtan 10-ǵa jýyq áýe tehnıkasy jumyldyryldy. Jattyǵýlar barysynda eki eldiń qorǵanys kúshteriniń zamanaýı tehnıkalary synaldy. Osylaısha, Seýl men Vashıngton Soltústik Koreıanyń taıaýda ballıstıkalyq zymyran ushyrǵanyna jaýap retinde birlesken jattyǵýdy uıymdastyrdy.
Esterińizge sala keteıik, buǵan deıin Soltústik Koreıa Hvason-15 qurlyqaralyq ballıstıkalyq zymyranyn ushyryp, 5768 km bıiktikke jetip, 4015 sekýndta 989 km ushqany týraly habarlanǵan edi. Bıyl KHDR ekinshi ret zymyran ushyrtqan. Birinshi ushyrylym 1 qańtarda ótken.