Memleket basshysy Konstıtýsııalyq Sot tóraǵasy Elvıra Azımovany qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesý barysynda Prezıdentke Konstıtýsııalyq Sot óz jumysyn bastaǵany, ókilettigin júzege asyrýǵa kiriskeni, sondaı-aq bıylǵy 1 qańtardan beri azamattardan kelip túsken ótinishter jóninde málimet berildi.Elvıra Azımova konstıtýsııalyq is júrgizýge qabyldanǵan ótinishter men konstıtýsııalyq baqylaý aıasynda josparlanǵan sharalar týraly aıtty.
Qasym-Jomart Toqaev konstıtýsııalyq is júrgizýdiń barlyq satysynyń ashyqtyǵyn jáne Konstıtýsııalyq Sotqa júginý tártibi týraly azamattardyń habardar bolýyn qamtamasyz etýdiń, sondaı-aq Ata zańnyń saqtalýyna baqylaýdy kúsheıtýdiń mańyzdy ekenin atap ótti.