QR Premer-mınıstriniń birinshi orynbasary Roman Sklıar «Germanııa – Ortalyq Azııa» parlamenttik tobynyń tóraǵasy Oıgen Shmıdt basqaratyn GFR Býndestag delegasııasymen kezdesti, dep habarlaıdy Egemen.kz.
Sonymen qatar talqylaýǵa depýtattar Tomas Baraıss, Krıstıan Gorke, Krıstıan Shraıder, GFR-diń Qazaqstandaǵy elshisi Monıka Iversen qatysty.
Áńgime barysynda taraptar qazaq-nemis saýda-ınvestısııalyq ózara is-qımylynyń basym baǵyttaryn damytý máselelerin talqylady, «jasyl» ekonomıka jáne energetıka salasyndaǵy perspektıvaly jobalar boıynsha pikir almasty.
Qazaqstan men Germanııa arasyndaǵy tyǵyz saıası dıalogty atap ótken R.Sklıar ekijaqty taýar aınalymynyń ósip kele jatqanyna jáne bizdiń elimizge tartylǵan tikeleı nemis ınvestısııalarynyń ulǵaıyp jatqanyna nazar aýdardy.
О́z kezeginde depýtattar QR Úkimeti janyndaǵy Nemis bıznesimen ınvestısııalyq yntymaqtastyqty damytý jónindegi arnaıy jumys tobynyń qyzmetin joǵary baǵalap, GFR Býndestagynyń salalyq komıtetteriniń jelisi boıynsha ózara is-qımyldy nyǵaıtýǵa úles qosýǵa daıyn ekenderin bildirdi.