Mamandandyrylǵan halyqqa qyzmet kórsetý ortalyqtarynda sheteldik avtokólikterdi zańdastyryp, qaıta tirkeý naýqany sál saıabyrlady.
23 qańtarda zańdastyrý bastalǵaly beri ótken úsh apta ishinde batysqazaqstandyqtardyń atyna barlyǵy 2505 avtokólik aýysqan eken.
Onyń 295-i Armenııa memleketinde tirkelgen bolsa, 87 kólik Armenııadan burynyraq ákelinip, sary nómirmen júrgen eken. Zańdastyrylǵan kólikterdiń basym bóligi Reseı Federasııasynan kelgen. Mundaı avtokólik sany 2115-ke jetipti.
Tirkelgen kólikterdiń tiziminde Arab Ámirlikterinen kelgen – 3, Belorýssııadan kelgen – 2, Grýzııa memleketinen – 2, Qyrǵyz elinen 1 mashına da bar.
Batys Qazaqstan oblystyq Polısııa departamentiniń baspasóz qyzmeti elimizdiń ózge óńirinen batysqazaqstandyqtardyń atyna tirkelgen avtokólikterdiń sanyn da jarııa etti. Osyndaı 44 kóliktiń 14-i – Armenııadan, 28-i – Reseıden, 2-eýi Qyrǵyzstannan ákelingen eken.
Batys Qazaqstan oblysy