Dáýlet Turlyhanov Almatyda uly Nurasylmen tóbeleste jaraqat alǵan zańgerlermen kezdesti. Bul týraly Vesti.kz sport portalyna Anna Chernova aıtyp bergen, dep habarlaıdy Egemen.kz.
«Jaqynda is áskerı polısııaǵa berildi. Tergeý júrip jatyr. Búgin tergeýshi qońyraý shaldy. Biz olarǵa baratyn bolyp kelistik. Ázirge jańalyq joq. Jalpy bári ádettegideı júrip jatyr. Biz quqyq buzýshynyń ákesimen kezdestik. Ol ulynyń áreketi úshin keshirim surady. Biz óz kezegimizde ulyn keshirmegenimizdi aıttyq. Ol zań aldynda jaýap berýi kerek. Al is barshaǵa sabaq bolǵan jón», dedi Chernova.
Eske salaıyq, bir apta buryn Almatyda belgili zańger soqqyǵa jyǵylǵan bolatyn. Oqıǵa týraly jábirlenýshi Oleg Chernovtyń áıeli, zańger Anna Chernova aıtty. Ol da sol jerde bolǵan jáne jaraqat alǵan.
Almaty PD bul derek QR Qylmystyq kodekstiń 293-baby «Buzaqylyq» boıynsha sotaldy tergeýdiń biryńǵaı tizilimine tirkelgenin habarlady. Qylmystyq is boıynsha alǵashqy tergeý áreketteri júrgizilip, saraptamalar taǵaıyndalǵan bolatyn.