Murat Áıtenov úshinshi megapolıstiń byltyrǵy áleýmettik-ekonomıkalyq damý kórsetkishteri jóninde esep berip, aldaǵy kezeńge arnalǵan josparyn tanystyrdy, dep habarlaıdy Egemen.kz Aqordaǵa silteme jasap.
«О́tken jyly qala ekonomıkasyna tartylǵan ınvestısııa kólemi 13,8 paıyzǵa artyp, 549,4 mıllıard teńgege jetken. Shaǵyn jáne orta bıznes sýbektileriniń sany 110 myńnan asqan. Jalpy óńirlik ónim kóleminiń 40,7 paıyzy osy saladaǵy kásipkerlerge tıesili. Memleket basshysynyń tapsyrmasy boıynsha bıyl qalanyń damý perspektıvasyn eskere otyryp, jańa bas jospar bekitilmek. Jyl sońyna deıin qala tóńiregindegi aýdandardyń turǵyndary aýyzsýmen jáne elektr qýatymen tolyq qamtamasyz etiledi. «Jaıly mektep» ulttyq jobasy aıasynda Shymkentte 25 mektep salý josparlanǵan», dedi ákim.
Qasym-Jomart Toqaev Murat Áıtenovke áleýmettik máselelerdi sheshý, qala turǵyndarynyń turmys sapasyn arttyrý, sondaı-aq Shymkent qalasyn odan ári damytý jóninde birqatar mindet júktedi.